STRANGERSTRANGER
# la .lojban.
ni'o ko'a goi la'oi .STRANGERSTRANGER. pixra le nu ga je le xadni be la .vynk. noi ke'a se dalremnei vy goi la .varik. cu co'e ja fulta gi ga je le velski be vy be'o je le skari je blaci je le pelji pe le me'oi .Agda. velcki be lo su'u lo prenu cu co'e lo ro'onje munje cu farlu je cu muvdu pe'a fi le kacma je le xadni be la .vynk. gi ga je la .vynk. cu milxe le ka ce'u cisma kei je cu catlu le te gusni je cukydjine... noi ku'i vy jinvi le du'u ko'a na mutce le ka ce'u jai filri'a lo nu viska ke'a gi ga je le te gusni je sarlu cu sruri le muvdu pe'a gi ga je la .vynk. cu tolsti lo pu'u la .vynk. cu jgari ko'a goi le lanci be le ka ce'u nonlingeni kei kei se ri'a le nu ko'a farlu je cu trixe le stedu be la .vynk... gi le mu'oi glibau. tapetum lucidum .glibau. be la .vynk. cu co'e ja jai frili se ri'a tu'a le gusni .i ji'a le co'e joi kojna pagbu be ko'a cu pixra loi blanu je bumru
.i sa'u nai ru'e ko'a pixra tu'a zo cmacypre je zo bebna je lu jai racli li'u je zo tolmencre je zo mencre je zo cizra... je zoi zoi. ⍝! .zoi... je le pixra cmene be la .lojban. .i vy mojrinfli lo nu pixra tu'a zo mlezvi ja zo feglyzvi
.i la .varik. cu radji'i le du'u ko'a mutce le ka ce'u sucta
.i ko'a pixra le nu farlu .i la .varik. cu zu'edji lo ka ce'u terxra tu'a le nu tu'a le cnita cu farna le kacma kei joi le nu le kacma cu gapru le xadni be la .vynk. .i ku'i cumki fa lo nu la'e di'u na jai li'armi
## tu'a le smuni
ni'o ko'a ku'irni masti co'e... ni'i zo'e joi le su'u vy zbasu ko'a ki'u zo'e joi tu'a lo ku'irni masti .i vy djuno le du'u ko'a jai clira
.i ji'a vy jinvi le du'u ko'a re'enje ja cinmo se zbasu vy
.i vy nonlingeni je cu jinvi le du'u lo velski be vy be'o je le lanci be le ka ce'u nonlingeni cu jai filri'a lo nu vy skicu vy .i ku'i ji'a vy co'e ja jinvi ja krici ga je le du'u narcu'i fa lo nu ciksi lo prenu fo zo'e ja lo te gerna gi ga je le du'u cumki fa lo nu banzuka lo ka ce'u jundi zo'e ja lo velski kei lo ka ce'u co'e ja tolmo'i lo du'u prenu gi le du'u zo'e ja lo velski na jai sarcu lo jimpe fi lo prenu .i la .varik. cu jinvi le du'u lo velski cu smimlu lo skari je blaci le ka ce'u jai filri'a lo nu jimpe fi lo su'u frica no'u lo su'u me'oi .contrast... kei kei kei jenai ku'i cu jai filri'a lo nu jimpe lo ro co'e
.i vy krici le du'u vy du ri ju cu se jai jimpe lo prenu jenai du be ri
.i vy krici le du'u ro da poi ke'a prenu zo'u le ka ce'u du da cu steci je jinzi da
.i srana le su'u jinzi kei fa le su'u vy cnikansa lo ro prenu poi ke'a terpa tu'a lo nu ri tarti tu'a ri je cu jinzi ke'a .i slabu vy fa le su'u cfari fa lo nu malku'i lo prenu ki'u lo su'u ri ku'irni joi zo'e .i slabu vy fa tu'a lo nu terpa tu'a lo nu frica
.i ku'i la .varik. cu co'e ja jinvi ja krici ga je le du'u no da zo'u lo nu jimpe fi da cu xrani ja ke tolmapti be py ky goi le ka ro da poi ke'a prenu zo'u ce'u prami da gi le du'u ro da poi ke'a prenu zo'u frili cumki fa lo nu da jimpe fi da .i ku'i vy cnikansa lo terpa je prenu jenai cu cpedu
.i vy krici le du'u banzuka fa lo ro ka ce'u prenu
.i vy krici le du'u lo no prenu cu se jinzi lo su'o jai tolmapti be py ky be'o ja me lu mabla ja tolvu'e kei je le du'u lo su'u lingeni kei co'e... je zo'e... cu jinzi lo prenu
.i ji'a vy krici le du'u lo ka ce'u prenu cu zmadu lo ka ce'u jai racli je lo ka ce'u mencre kei le ka ce'u vajni
.i ji'a ko'a srana le su'u vy co'e ja jinvi ja krici ga joi le du'u cumki fa lo nu dukse lo ka ce'u xi re co'e ja skicu fo lo te gerna be lo bangu kei se ri'a lo nu co'e ja ke to'e frili fa lo nu jimpe gi le du'u cumki fa lo nu dubji'isre lo velski lo se skicu
.i vy ci'au .ui re'e le su'u frili cumki fa ko'e goi lo nu toltu'i ja frica vy fa lo prenu jenai ke du be vy .i vy jinvi le du'u ko'e na nabmi
## tu'a lo pu'u zbasu ko'a
ni'o ko'a smimlu lo su'o pixra be fi vy le ka vy pilno la'oi .Blender. fa'u la'oi .Krita. fa'u la'oi .GIMP. tu'a ko'e goi lo tsautu pe ce'u ge'u fa'u le pu'u vy bixygau pe'a ko'e lo barda pixra... kei fa'u zo'e .i vy nelci ga je le su'u la'oi .Blender. cu jai filri'a lo me'oi .perspective. co'e noi ke'a co'e ja nandu vy ku'o je tu'a lo blaci lu'u je lo nu muvgau pe'a lo kacma noi vy jinvi le du'u ke'a jai filri'a lo nu zbasu zo'e poi frili fa lo nu genturfa'i pe'a ke'a xi re gi le su'u la'oi .Krita. jai filri'a tu'a lo calsamxra poi ke'a na prane lu'u je tu'a loi kerfa... lu'u je lo nu mlezvi tu'a lo gusni
.i ku'i lo su'o ci nu me'oi .Blender. samfli cu pagbu lo pu'u vy zbasu ko'a .i ji'a vy facki le du'u na'e snada tu'a la'oi .Blender. va'o lo nu culno fa la'o zoi. /tmp .zoi... kei ja lo nu vimcu pe'a lo me'oi .Blender. datnyvei la'o zoi. /tmp .zoi. .i la'e di'u pu'u vy jdika le ka cfipu ce'u .i ku'i vy na birti lo du'u ma kau rinka lo su'o re nu samfli va'o tu'a lo su'u me'oi .denoise. .i ku'i vy cnikasna lo prenu je ke zbasu be la'oi .Blender.
.i ku'i vy jinvi le du'u baitni li ci ze ze bi ci mu so mu fa le me'oi .Blender. datnyvei poi vy pilno ke'a tu'a ko'a
.i vy pilno lo su'o mu ci versiio be lo me'oi .Blender. datnyvei pe ko'a .i ji'a vy pilno lo su'o re calsamxra pixra tu'a ko'a
.i vy pilno la'oi .GIMP. lo nu vo'a bixygau pe'a le calsamxra pixra le'i so'i pixra be lo pagbu be le xadni be la .vynk. kei noi ke'a jai filri'a lo nu vy bixygau pe'a fi lo pixra be loi kerfa... kei ni'u zo'e joi le su'u co'e ja nandu vy fa lo nu me'oi .depth. co'e lo pixra je ke zmadu be fi lo ka ce'u sampu .i vy pilno la'oi .GIMP. ki'u zo'e joi le su'u lo nu vo'a co'e ja troci lo nu fukpi se pi'o la'oi .Krita. cu rinka lo nu samfli... kei kei noi vy na birti lo du'u ma kau rinka ctaipe ke'a
.i le pu'u vy pilno la'oi .Krita. tu'a loi kerfa cu pu'u vy pilno le cnino be vy be'o je tadji be lo pu'u vy terxra loi kerfa be'o noi ke'a zmadu le lidne je tadji le ka vy masno tu'a ke'a .i ku'i vy kucli lo du'u xu kau nelci le jalge... kei je ku'i cu radji'i le du'u cumki fa lo nu le gusni co'e pe le pixra na jai filri'a lo nu facki lo du'u xu kau zabna
.i le tadji cu jai pu'u vy pilno lo su'o ci me'oi .layer. .i lo su'o pa me'oi .layer. cu srana lo barda je kerfa je punli .i lo su'o pa me'oi .layer. cu srana lo cmalu je kerfa je punli .i lo pa me'oi .layer. cu srana lo me lo kerfa ku tcila... je cu jai se masno vy
.i vy pilno la'oi .Git. tu'a ko'e goi la'o zoi. strangerstranger.kra .zoi. noi ke'a me'oi .Krita. datnyvei ko'a je noi baitni li pa re re xa ze ci mu bi so fa le versiio be ke'a be'o poi vy pilno ke'a xi re tu'a le se kibdu'a ke co'e ja versiio be ko'a .i vy jinvi ga je le du'u la'oi .Git. cu morji pe'a fi lo su'o vo pa versiio be ko'e kei jenai lo du'u vy pilno la'oi .Git. lo nu xruti pe'a gi le du'u ko'a se pagbu le xa pa me'oi .layer.
.i vy na'e djuno lo du'u ma kau cacra le pu'u vy zbasu ko'a kei kei je cu jinvi le du'u pluja fa lo nu facki lo du'u ma kau cacra lo pu'u vy pilno la'oi .Blender. tu'a le co'e joi tsautu pe ko'a... kei noi vy morji le du'u lo so'i pagbu be ke'a cu nu vy denpa tu'a lo me'oi .render. pixra
## le vrici
ni'o la'oi .Unlicense. plijaspu ko'a
.i vy curmi lo nu cusku lo se du'u ma kau cfila ko'a... kei ja lo se du'u jinvi ja cinmo ma kau ko'a .i vy kucli lo du'u xu kau jimpe fi ko'a fa lo prenu jenai ke du be vy
.i vy se xajmi lo nu tcidu le velski kei noi ke'a na sarcu
# English
"STRANGERSTRANGER", which is hereinafter denoted by "$S$", depicts that (the body of VUNC, which is the fursona of VARIK, floats or whatever), that (descriptions (of VARIK), glass shards which are coloured and a paper (regarding the Agda definition of that prenu interact with the physical universe) fall and "leave" the camera and the body of VUNC), that (VUNC slightly smiles and looks at a torus which emits light... and is possibly not obvious by $S$), that (a spiral which emits light surrounds VUNC), that (VUNC stops holding the agender flag, and the agender flag begins falling and is behind the face of VUNC), and that (the light cuauses that the tapeta lucida of VUNC are slightly visible). Additionally, the corners and whatnot of $S$ depict fog/whatever which is blue.
$S$ depicts "cmacypre", "bebna", "jai racli", "tolmencre", "mencre", "cizra", "⍝!", and the logo of Lojban. VARIK forgets to include "mlezvi" or "feglyzvi".
VARIK admits that $S$ is very abstract.
$S$ depicts falling. VARIK intends to draw that (the camera downwardly points and is above the body of VUNC). But being not-obvious is possible.
## The Meaning
$S$ is a Pride Month thing; the justification of creating $S$ is relevant to Pride Month. VARIK knows about being early.
Additionally, VARIK opines that $S$ is art.
VARIK is agender and opines that descriptions (of VARIK) and the agender flag facilitate that VARIK describes VARIK. However, VARIK opines/believes/whatever that (linguistically defining prenu is impossible), that (a thing which is possible is being sufficient (for forgetting/whatever that prenu are prenu) in attending to definitions or whatever), and that descriptions are not necessary for understanding about prenu. VARIK opines that descriptions resemble (in facilitating observing contrast and in not facilitating that prenu perfectly understand) shards of glass which are coloured.
VARIK believes that VARIK is (regardless of whether VARIK is understood by prenu which are not VARIK) VARIK.
VARIK believes that for all prenu $p$, that ($p$ is $p$) is inherent to $p$.
The thing is relevant to that (VARIK believes that stuff is inherent). VARIK empathises with all prenu $p$ such that $p$ fears that $p$ is honest about $p$ and exhibits the properties/qualities which are inherent to $p$. That (mistreating (as a result of being queer) prenu is possible) is familiart to VARIK. VARIK is familiar with fearing differing.
But VARIK believes/opines/whatever that (no thing $x$ exists such that understanding about $x$ is harmful or incompatible with the property of loving all prenu) and that (for all prenu $p$, a thing which is feasible is that $p$ understands about $p$). But VARIK empathises with prenu which fear. VARIK does not request.
VARIK believes that being is sufficient.
VARIK believes that (no prenu $p$ exists such that some thing which is incompatible with the property of loving all prenu or is "fucked or immoral" is inherent to $p$). Additionally, VARIK believes that gender identity is inherent.
VARIK believes that being exceeds (in beng important) the property (of being rational) and the property of being intelligent.
Additionally, $S$ is relevant to that (VARIK believes/opines/whatever that a thing which is possible is that being excessive in linguistically describing stuff anti-facilitates understanding) and that mistaking (for stuff which is described) descriptions is possible.
VARIK experiences spiritual joy about that disagreeing with VARIK is possible and that differing from VARIK is possible. VARIK opines that the thing is not a problem.
## The Process of Creating $S$
$S$ resembles some drawings which are created by VARIK. The property of resemblance is that VARIK uses Blender, Krita, and GIMP for $S$. Blender is used for the sketch of $S$. Krita is used for "converting" (into a large image) the sketch and for whatnot. VARIK likes that Blender facilitates perspective stuff (which is difficult/whatever for VARIK), depicting the glas shards, and that (the camera is moved) (which seems (to VARIK) to facilitate discovering poses/compositions which are easily parsed). Additionally, VARIK likes that Krita facilitates fur stuff and using 3D models which are not perfect. Additionally, VARIK likes that Krita facilitates lighting hacks.
But the cardinality of the set of Blender crash events which are a part of the process of creating $S$ is exceeded or equalled by 3. Additionally, VARIK discovers that Blender is unsuccessful (under the condition of that (/tmp is full)... or that (the Blender directory is "removed" from /tmp)). Discovering the cause of being unsuccessful causes that VARIK decreases in being confused. But VARIK is not certain about the causes of some events (of crashing) (which involve using the denoising stuff of Blender). But VARIK empathises with the prenu which create Blender.
VARIK opines that 37783595 is the byte-based size of the Blender file which is used for $S$.
The cardinality of the set of versions of the Blender file which is used for $S$ is exceeded or equalled by 53. Additionally, VARIK uses (for $S$) 2 renders.
VARIK uses (for the process of "converting" into many layers) the renders. "Converting" faciliates fur stuff. Depth stuff is difficult/whatever with the images which exceed in being simple. The justification of using GIMP is relevant to that (using (for copying stuff) Krita causes crashing). VARIK is not certain about the cause of crashing.
The process of using (for fur stuff) Krita is a process of that VARIK uses a new (to VARIK) method of drawing fur. The method exceeds (in being slow for VARIK) the method which precedes. But VARIK is curious about whether the result is liked. Additionally, VARIK admits that a wthing which is possible is that the lighting stuff of $S$ does not facilitate determining whether the thing rocks.
The method is a process of using a set (of layers) $l$ such that the cardinality of $l$ is exceeded or equalled by 3. Layers are used for fur bumps which are larged. Layers are used for fur bumps which are small. Layers are used for fur detail. VARIK is slow in doing fur detail stuff.
VARIK uses (for remembering about strangerstranger.kra, which is the Krita file of $S$) Git. VARIK opines that (Git "remembers" about at-least-41 versions of strangerstranger.kra), that (VARIK does not use (for "reverting") Git), and that 61 layers are parts of strangerstranger.kra.
122673589 is the byte-based size of strangerstranger.kra.
VARIK is not certain about the duration of the process of creating $S$. VARIK opines that determining the duration of using (for the sketch and whatnot) Blender is complex. VARIK remembers that many parts of the process of creating the sketch are events of waiting for rendering.
## The Miscellaneous
The Unlicense is the licence of $S$.
VARIK welcomes describing the flaws of $S$. Additionall,y VARIK welcomes describing stuff which is opined or felt regarding $S$. VARIK is curious about whether prenu which are not VARIK understand about $S$.
VARIK is amused about reading the description. Reading the description is not necessary.
ni'o ko'a goi la'oi .STRANGERSTRANGER. pixra le nu ga je le xadni be la .vynk. noi ke'a se dalremnei vy goi la .varik. cu co'e ja fulta gi ga je le velski be vy be'o je le skari je blaci je le pelji pe le me'oi .Agda. velcki be lo su'u lo prenu cu co'e lo ro'onje munje cu farlu je cu muvdu pe'a fi le kacma je le xadni be la .vynk. gi ga je la .vynk. cu milxe le ka ce'u cisma kei je cu catlu le te gusni je cukydjine... noi ku'i vy jinvi le du'u ko'a na mutce le ka ce'u jai filri'a lo nu viska ke'a gi ga je le te gusni je sarlu cu sruri le muvdu pe'a gi ga je la .vynk. cu tolsti lo pu'u la .vynk. cu jgari ko'a goi le lanci be le ka ce'u nonlingeni kei kei se ri'a le nu ko'a farlu je cu trixe le stedu be la .vynk... gi le mu'oi glibau. tapetum lucidum .glibau. be la .vynk. cu co'e ja jai frili se ri'a tu'a le gusni .i ji'a le co'e joi kojna pagbu be ko'a cu pixra loi blanu je bumru
.i sa'u nai ru'e ko'a pixra tu'a zo cmacypre je zo bebna je lu jai racli li'u je zo tolmencre je zo mencre je zo cizra... je zoi zoi. ⍝! .zoi... je le pixra cmene be la .lojban. .i vy mojrinfli lo nu pixra tu'a zo mlezvi ja zo feglyzvi
.i la .varik. cu radji'i le du'u ko'a mutce le ka ce'u sucta
.i ko'a pixra le nu farlu .i la .varik. cu zu'edji lo ka ce'u terxra tu'a le nu tu'a le cnita cu farna le kacma kei joi le nu le kacma cu gapru le xadni be la .vynk. .i ku'i cumki fa lo nu la'e di'u na jai li'armi
## tu'a le smuni
ni'o ko'a ku'irni masti co'e... ni'i zo'e joi le su'u vy zbasu ko'a ki'u zo'e joi tu'a lo ku'irni masti .i vy djuno le du'u ko'a jai clira
.i ji'a vy jinvi le du'u ko'a re'enje ja cinmo se zbasu vy
.i vy nonlingeni je cu jinvi le du'u lo velski be vy be'o je le lanci be le ka ce'u nonlingeni cu jai filri'a lo nu vy skicu vy .i ku'i ji'a vy co'e ja jinvi ja krici ga je le du'u narcu'i fa lo nu ciksi lo prenu fo zo'e ja lo te gerna gi ga je le du'u cumki fa lo nu banzuka lo ka ce'u jundi zo'e ja lo velski kei lo ka ce'u co'e ja tolmo'i lo du'u prenu gi le du'u zo'e ja lo velski na jai sarcu lo jimpe fi lo prenu .i la .varik. cu jinvi le du'u lo velski cu smimlu lo skari je blaci le ka ce'u jai filri'a lo nu jimpe fi lo su'u frica no'u lo su'u me'oi .contrast... kei kei kei jenai ku'i cu jai filri'a lo nu jimpe lo ro co'e
.i vy krici le du'u vy du ri ju cu se jai jimpe lo prenu jenai du be ri
.i vy krici le du'u ro da poi ke'a prenu zo'u le ka ce'u du da cu steci je jinzi da
.i srana le su'u jinzi kei fa le su'u vy cnikansa lo ro prenu poi ke'a terpa tu'a lo nu ri tarti tu'a ri je cu jinzi ke'a .i slabu vy fa le su'u cfari fa lo nu malku'i lo prenu ki'u lo su'u ri ku'irni joi zo'e .i slabu vy fa tu'a lo nu terpa tu'a lo nu frica
.i ku'i la .varik. cu co'e ja jinvi ja krici ga je le du'u no da zo'u lo nu jimpe fi da cu xrani ja ke tolmapti be py ky goi le ka ro da poi ke'a prenu zo'u ce'u prami da gi le du'u ro da poi ke'a prenu zo'u frili cumki fa lo nu da jimpe fi da .i ku'i vy cnikansa lo terpa je prenu jenai cu cpedu
.i vy krici le du'u banzuka fa lo ro ka ce'u prenu
.i vy krici le du'u lo no prenu cu se jinzi lo su'o jai tolmapti be py ky be'o ja me lu mabla ja tolvu'e kei je le du'u lo su'u lingeni kei co'e... je zo'e... cu jinzi lo prenu
.i ji'a vy krici le du'u lo ka ce'u prenu cu zmadu lo ka ce'u jai racli je lo ka ce'u mencre kei le ka ce'u vajni
.i ji'a ko'a srana le su'u vy co'e ja jinvi ja krici ga joi le du'u cumki fa lo nu dukse lo ka ce'u xi re co'e ja skicu fo lo te gerna be lo bangu kei se ri'a lo nu co'e ja ke to'e frili fa lo nu jimpe gi le du'u cumki fa lo nu dubji'isre lo velski lo se skicu
.i vy ci'au .ui re'e le su'u frili cumki fa ko'e goi lo nu toltu'i ja frica vy fa lo prenu jenai ke du be vy .i vy jinvi le du'u ko'e na nabmi
## tu'a lo pu'u zbasu ko'a
ni'o ko'a smimlu lo su'o pixra be fi vy le ka vy pilno la'oi .Blender. fa'u la'oi .Krita. fa'u la'oi .GIMP. tu'a ko'e goi lo tsautu pe ce'u ge'u fa'u le pu'u vy bixygau pe'a ko'e lo barda pixra... kei fa'u zo'e .i vy nelci ga je le su'u la'oi .Blender. cu jai filri'a lo me'oi .perspective. co'e noi ke'a co'e ja nandu vy ku'o je tu'a lo blaci lu'u je lo nu muvgau pe'a lo kacma noi vy jinvi le du'u ke'a jai filri'a lo nu zbasu zo'e poi frili fa lo nu genturfa'i pe'a ke'a xi re gi le su'u la'oi .Krita. jai filri'a tu'a lo calsamxra poi ke'a na prane lu'u je tu'a loi kerfa... lu'u je lo nu mlezvi tu'a lo gusni
.i ku'i lo su'o ci nu me'oi .Blender. samfli cu pagbu lo pu'u vy zbasu ko'a .i ji'a vy facki le du'u na'e snada tu'a la'oi .Blender. va'o lo nu culno fa la'o zoi. /tmp .zoi... kei ja lo nu vimcu pe'a lo me'oi .Blender. datnyvei la'o zoi. /tmp .zoi. .i la'e di'u pu'u vy jdika le ka cfipu ce'u .i ku'i vy na birti lo du'u ma kau rinka lo su'o re nu samfli va'o tu'a lo su'u me'oi .denoise. .i ku'i vy cnikasna lo prenu je ke zbasu be la'oi .Blender.
.i ku'i vy jinvi le du'u baitni li ci ze ze bi ci mu so mu fa le me'oi .Blender. datnyvei poi vy pilno ke'a tu'a ko'a
.i vy pilno lo su'o mu ci versiio be lo me'oi .Blender. datnyvei pe ko'a .i ji'a vy pilno lo su'o re calsamxra pixra tu'a ko'a
.i vy pilno la'oi .GIMP. lo nu vo'a bixygau pe'a le calsamxra pixra le'i so'i pixra be lo pagbu be le xadni be la .vynk. kei noi ke'a jai filri'a lo nu vy bixygau pe'a fi lo pixra be loi kerfa... kei ni'u zo'e joi le su'u co'e ja nandu vy fa lo nu me'oi .depth. co'e lo pixra je ke zmadu be fi lo ka ce'u sampu .i vy pilno la'oi .GIMP. ki'u zo'e joi le su'u lo nu vo'a co'e ja troci lo nu fukpi se pi'o la'oi .Krita. cu rinka lo nu samfli... kei kei noi vy na birti lo du'u ma kau rinka ctaipe ke'a
.i le pu'u vy pilno la'oi .Krita. tu'a loi kerfa cu pu'u vy pilno le cnino be vy be'o je tadji be lo pu'u vy terxra loi kerfa be'o noi ke'a zmadu le lidne je tadji le ka vy masno tu'a ke'a .i ku'i vy kucli lo du'u xu kau nelci le jalge... kei je ku'i cu radji'i le du'u cumki fa lo nu le gusni co'e pe le pixra na jai filri'a lo nu facki lo du'u xu kau zabna
.i le tadji cu jai pu'u vy pilno lo su'o ci me'oi .layer. .i lo su'o pa me'oi .layer. cu srana lo barda je kerfa je punli .i lo su'o pa me'oi .layer. cu srana lo cmalu je kerfa je punli .i lo pa me'oi .layer. cu srana lo me lo kerfa ku tcila... je cu jai se masno vy
.i vy pilno la'oi .Git. tu'a ko'e goi la'o zoi. strangerstranger.kra .zoi. noi ke'a me'oi .Krita. datnyvei ko'a je noi baitni li pa re re xa ze ci mu bi so fa le versiio be ke'a be'o poi vy pilno ke'a xi re tu'a le se kibdu'a ke co'e ja versiio be ko'a .i vy jinvi ga je le du'u la'oi .Git. cu morji pe'a fi lo su'o vo pa versiio be ko'e kei jenai lo du'u vy pilno la'oi .Git. lo nu xruti pe'a gi le du'u ko'a se pagbu le xa pa me'oi .layer.
.i vy na'e djuno lo du'u ma kau cacra le pu'u vy zbasu ko'a kei kei je cu jinvi le du'u pluja fa lo nu facki lo du'u ma kau cacra lo pu'u vy pilno la'oi .Blender. tu'a le co'e joi tsautu pe ko'a... kei noi vy morji le du'u lo so'i pagbu be ke'a cu nu vy denpa tu'a lo me'oi .render. pixra
## le vrici
ni'o la'oi .Unlicense. plijaspu ko'a
.i vy curmi lo nu cusku lo se du'u ma kau cfila ko'a... kei ja lo se du'u jinvi ja cinmo ma kau ko'a .i vy kucli lo du'u xu kau jimpe fi ko'a fa lo prenu jenai ke du be vy
.i vy se xajmi lo nu tcidu le velski kei noi ke'a na sarcu
# English
"STRANGERSTRANGER", which is hereinafter denoted by "$S$", depicts that (the body of VUNC, which is the fursona of VARIK, floats or whatever), that (descriptions (of VARIK), glass shards which are coloured and a paper (regarding the Agda definition of that prenu interact with the physical universe) fall and "leave" the camera and the body of VUNC), that (VUNC slightly smiles and looks at a torus which emits light... and is possibly not obvious by $S$), that (a spiral which emits light surrounds VUNC), that (VUNC stops holding the agender flag, and the agender flag begins falling and is behind the face of VUNC), and that (the light cuauses that the tapeta lucida of VUNC are slightly visible). Additionally, the corners and whatnot of $S$ depict fog/whatever which is blue.
$S$ depicts "cmacypre", "bebna", "jai racli", "tolmencre", "mencre", "cizra", "⍝!", and the logo of Lojban. VARIK forgets to include "mlezvi" or "feglyzvi".
VARIK admits that $S$ is very abstract.
$S$ depicts falling. VARIK intends to draw that (the camera downwardly points and is above the body of VUNC). But being not-obvious is possible.
## The Meaning
$S$ is a Pride Month thing; the justification of creating $S$ is relevant to Pride Month. VARIK knows about being early.
Additionally, VARIK opines that $S$ is art.
VARIK is agender and opines that descriptions (of VARIK) and the agender flag facilitate that VARIK describes VARIK. However, VARIK opines/believes/whatever that (linguistically defining prenu is impossible), that (a thing which is possible is being sufficient (for forgetting/whatever that prenu are prenu) in attending to definitions or whatever), and that descriptions are not necessary for understanding about prenu. VARIK opines that descriptions resemble (in facilitating observing contrast and in not facilitating that prenu perfectly understand) shards of glass which are coloured.
VARIK believes that VARIK is (regardless of whether VARIK is understood by prenu which are not VARIK) VARIK.
VARIK believes that for all prenu $p$, that ($p$ is $p$) is inherent to $p$.
The thing is relevant to that (VARIK believes that stuff is inherent). VARIK empathises with all prenu $p$ such that $p$ fears that $p$ is honest about $p$ and exhibits the properties/qualities which are inherent to $p$. That (mistreating (as a result of being queer) prenu is possible) is familiart to VARIK. VARIK is familiar with fearing differing.
But VARIK believes/opines/whatever that (no thing $x$ exists such that understanding about $x$ is harmful or incompatible with the property of loving all prenu) and that (for all prenu $p$, a thing which is feasible is that $p$ understands about $p$). But VARIK empathises with prenu which fear. VARIK does not request.
VARIK believes that being is sufficient.
VARIK believes that (no prenu $p$ exists such that some thing which is incompatible with the property of loving all prenu or is "fucked or immoral" is inherent to $p$). Additionally, VARIK believes that gender identity is inherent.
VARIK believes that being exceeds (in beng important) the property (of being rational) and the property of being intelligent.
Additionally, $S$ is relevant to that (VARIK believes/opines/whatever that a thing which is possible is that being excessive in linguistically describing stuff anti-facilitates understanding) and that mistaking (for stuff which is described) descriptions is possible.
VARIK experiences spiritual joy about that disagreeing with VARIK is possible and that differing from VARIK is possible. VARIK opines that the thing is not a problem.
## The Process of Creating $S$
$S$ resembles some drawings which are created by VARIK. The property of resemblance is that VARIK uses Blender, Krita, and GIMP for $S$. Blender is used for the sketch of $S$. Krita is used for "converting" (into a large image) the sketch and for whatnot. VARIK likes that Blender facilitates perspective stuff (which is difficult/whatever for VARIK), depicting the glas shards, and that (the camera is moved) (which seems (to VARIK) to facilitate discovering poses/compositions which are easily parsed). Additionally, VARIK likes that Krita facilitates fur stuff and using 3D models which are not perfect. Additionally, VARIK likes that Krita facilitates lighting hacks.
But the cardinality of the set of Blender crash events which are a part of the process of creating $S$ is exceeded or equalled by 3. Additionally, VARIK discovers that Blender is unsuccessful (under the condition of that (/tmp is full)... or that (the Blender directory is "removed" from /tmp)). Discovering the cause of being unsuccessful causes that VARIK decreases in being confused. But VARIK is not certain about the causes of some events (of crashing) (which involve using the denoising stuff of Blender). But VARIK empathises with the prenu which create Blender.
VARIK opines that 37783595 is the byte-based size of the Blender file which is used for $S$.
The cardinality of the set of versions of the Blender file which is used for $S$ is exceeded or equalled by 53. Additionally, VARIK uses (for $S$) 2 renders.
VARIK uses (for the process of "converting" into many layers) the renders. "Converting" faciliates fur stuff. Depth stuff is difficult/whatever with the images which exceed in being simple. The justification of using GIMP is relevant to that (using (for copying stuff) Krita causes crashing). VARIK is not certain about the cause of crashing.
The process of using (for fur stuff) Krita is a process of that VARIK uses a new (to VARIK) method of drawing fur. The method exceeds (in being slow for VARIK) the method which precedes. But VARIK is curious about whether the result is liked. Additionally, VARIK admits that a wthing which is possible is that the lighting stuff of $S$ does not facilitate determining whether the thing rocks.
The method is a process of using a set (of layers) $l$ such that the cardinality of $l$ is exceeded or equalled by 3. Layers are used for fur bumps which are larged. Layers are used for fur bumps which are small. Layers are used for fur detail. VARIK is slow in doing fur detail stuff.
VARIK uses (for remembering about strangerstranger.kra, which is the Krita file of $S$) Git. VARIK opines that (Git "remembers" about at-least-41 versions of strangerstranger.kra), that (VARIK does not use (for "reverting") Git), and that 61 layers are parts of strangerstranger.kra.
122673589 is the byte-based size of strangerstranger.kra.
VARIK is not certain about the duration of the process of creating $S$. VARIK opines that determining the duration of using (for the sketch and whatnot) Blender is complex. VARIK remembers that many parts of the process of creating the sketch are events of waiting for rendering.
## The Miscellaneous
The Unlicense is the licence of $S$.
VARIK welcomes describing the flaws of $S$. Additionall,y VARIK welcomes describing stuff which is opined or felt regarding $S$. VARIK is curious about whether prenu which are not VARIK understand about $S$.
VARIK is amused about reading the description. Reading the description is not necessary.